ياالطليت من دنيا جديده ويالعلمتنا معني الريده
اوع تقول في يوم ناسنك
وحبنا ليك مشاعرو اكيده
يالطليت من دنيا جديده
ويالعلمتنا معني الريده
يالطليت من دنيا المافي
ويالخليتنا نظمنا قوافي
ريدك جنه وبحر ومرافي
وجية غائب ولحظة سعيده
ويالطليت من دنيا جديده
ويالعلمتنا معني الريده
الاحساس والزوق الفيك
خلي قلوبنا تهاتي عليك
من الحب والوفاء تديك
وتعبر ليك بي بسمة عريضه ويالطليت من دنيا جديده
ويالعلمتنا معني الريده
يااحساس الشوق الغائر
ياواحشنا وظلمك جاير
مهما تعاند وتبقى مغاير
تبقي اللهفه عليك شديده
ويالطليت من دنيا جديده
ويالعلمتنا معني الريده
ياريدتنا الجوه حبيبه
و يالعلمتنا معني الطيبة
قصة ريدك مابنسيبه
وكل ماتكمل تاني نعيده
وياطليت من دنيا جديده
ويالعلمتنا معني الريده
يااحساسنا وريدنا
وعن البينا محال نتحول
حبك قاسي وهجرك طول
وخادم الريده وعامل سيده
ويالطليت من دنيا جديده
ويالعلمتنا معني الريده
اوع تقول في يوم ناسنك
وحبنا ليك مشاعرو اكيده
صباح محمد الحسن
ليست هناك تعليقات:
إرسال تعليق