مواعين الخريفوجفت مواعين الخريف
الصب فيها مطر عينيك
وفضلت احسب في الفصول
اصلو الربيع موسم عشق
وانا ليك موهط من زمن
في تراب الانتظار
ومسكت بي خيوط الوهن
كان القى في قلبك بيوت
ماحبي ليك هبش العضم
ومشاعري ليك راجيها موت
وذنبي اخترتك قبيل
وذنب الوهن طول عمرو
شايلا العنكبوت
.وفترت خطاي من دروب سكت مشيك
.ملت مشاعري غزل هواك
ابت الحواس ترحل تجيك
..كلت رويحتي الانتظار
شكت الهموم منك ..وليك ..
.مالزمن كضب علي
غشاني بي طلة وشيك ..
ونفد كمان صبري وبقيت
ماعدت تاني اهاتي بيك.
صباح محمد الحسن
نوفمبر 2010
ليست هناك تعليقات:
إرسال تعليق