دايرارحل
داير ارحل من عيونك
الفيها مالقيت عز منايا
وداير اهرب من مصيرك
العمرو ماحقق رجايا
اصلي من يوم ماعرفتك
كنت عارف انو قلبك مامعايا
وكنت اول من اشوفك ابكي من يوم النهايا
وكنت عارف البينا رايح
وانو مابيناتنا غايه
وكل ماتجمعنا قصة
تبقي زي قصص الروايه
واي مشوار بي طريقك
بلقي فيه كتير شقايا
وكل مايعاود حنيني
وابني كم احلام وغايه
فجأة يصحي قليبي
تاني وتحلف العزه الجوايا
اني ماني رفيق دريبك
وانك انت سبب اسايا
وابقي اغالط في مشاعري
مرة اقول انك حقيقة
ومنيتي واملي ومنايا
ومرة اقول حسرة قليبي
العمرو مابسعد معايا
ومره اخاف الذكرة ذاتها
البيها كان تعبي وعنايا
يلا ياسيد السماحة
ابقي فتش عن سوايا
وعن قليب ناقص محنه
وعن مشاعر وعن مزايا
واوعي تشغل يوم قليبك
بي مصيري وبي هنايا
برضي بلقي كمان قليبا
بيه تشفي جروحي تبري
ويبقي في الايام عزايا......صباح محمد الحسن
صباح محمد الحسن
ليست هناك تعليقات:
إرسال تعليق