قدرت علىّ
بعد ما جّف نبع الريد
وبعد ما عقّّرت الأشواق
لقيتك جوه في الأعماق
بتشلع ضيّ
وقدرت علىّ
بعد ماشاخت الذكرى..
وودّر عقلي معنى الحب
.. ومات الفرح جواي
أتاريك فيني نبضاً حيّ
وقدرّت عليّ
وماتتأسف السنوات
وكت وقفت فراق بينا
ومابقبل عزر لليوم
لمن بخّلت الساعات
وسرقت كل حنانك لي
وقدرت على
غريبة ظروفك الجاحده
وعنيده البهجة لما
تصرو ويشها
ويقيف بينا
الفراق عارض
ودون اسباب الاقى
الفرحه تحّدر لي
وقدرت علىّ
وطربت ليك مشاعري غنا
ورقص فيني كم احساس
وصفق شوقي مال طربان
وكت ماقلت حنّا على
وقدرت على
تصدق
بعد خاصمت كل الريد
وبعد حديت سواد وجفا
وبعد قفلت ابوابي
وزعِلّت على الحصل
والكان
لقيتو هواك بلّوح لي
وقدرت على
وماتلفت لا اترددت
جيتك شوق
وصنقعت وحمدت الرب
ودنقرت عليك ترحاب
حبابك زول ملانى سماح
وماعون الفرح دفق
وطمح الحنين
فاض بي
وقدرت على
صباح محمد
الحسن
ليست هناك تعليقات:
إرسال تعليق