بحسبيك

حسك بيهمس في القلب

لوعة مشاعري التشتهيك

...صوتك بفتش في مسامات

الدواخل عن حدود الريدة

 والشوق الماقدر يقطع

حيل اعزار مجيك..

.وهتفت بيك رغم الغياب

 زولا بيوقع كل يوم

فيني الحضور

وهناي معاك مابتحسب

 بي وجودك او

وداعك ويوم مشيك.

..ماانت قاعد في شرايني

 ودماي ومرتاح موهط

 في القليب

 وانا حاسي بيك

و .في الحته ديك..

 في الفجه بين سحر

المعاني التنضحك

وبين العيون التشتهيك...

 في الحته ديك..

 قاعد غلاك مستني

كل الروعه فيك..

.متمنى مايبارح

مسام الروح

ولايفارق خطاوي البهجه

في سكة مشيك...

 في الحته ديك ..

حايم بسساق الشوق

يقالد في المشاعر

 السارحه في بهجة عينيك..

. في الحته ديك..

دائما بشيلك شوق شديد

 وبحسبيك

                                                                     صباح محمد الحسن