أشعار صباح محمد الحسن

صحفية وشاعره

الجمعة، 28 سبتمبر 2012

الرجل المتسع .......رجل بحجم الوفاء....عندما يصبح العشم ضيقا"!!!!!

مرسلة بواسطة صباح محمد الحسن في 2:03 م
إرسال بالبريد الإلكترونيكتابة مدونة حول هذه المشاركة‏المشاركة على X‏المشاركة في Facebook‏المشاركة على Pinterest

ليست هناك تعليقات:

إرسال تعليق

رسالة أحدث رسالة أقدم الصفحة الرئيسية
الاشتراك في: تعليقات الرسالة (Atom)

شارة فيس بوك

مرحبا بك في صفحة الشاعرة الصحفية صباح محمد الحسن لتكون عضوا بالفعل سجل دخولك واذا طلب منك تسجيل حساب قوقول فادخل بريدك الالكتروني العادي وكلمة مرورك هذا مايقصده
وحات الكان عرفتك ريد ...وشلتك شوق يهد الحيل ..ولوليتك فرح نشوان معاني بتسحر الاحلام وطيف باليل..وصحيتك غنى الكلمات نظمتك قول شربتك نيل... وكلمت القريب والجار ياك عشمي وحمل الشيل... الاخسارة ياعمري لقيتك ماك علي بالحيل!!!
اتمنيتو فراقك بدري... لمن قدرت تخدع فيني مشاعرك فجأة... ويوم مادنقر كضبك مره... ولاشافتني عواطفك وخجلت ........وكم احترت وحاتك جدا يوم ماشفت حقارة زيفك ... وقوة عينو!!!
عزرا لرجل تزعجه الكتابات فتنتحر عنده رغبة القرأة ...سيدي لأجلك سأعدم الكلمة في ميدان عام ان كانت الغيرة عندك .....حروف !!!

شارة فيس بوك

من الحروف دفق فرح بليت محل حزني القديم شلتك حصاد آخر السنين لقطت تيرابك بذور ومعاك وبيك بتق جرف خدر امل فرهد عشم ملعونه ايام الفراق ....الخلت الفجة القبيل خدرانه بيك .........تقنت يباس!!!

شارة فيس بوك

ضحكت على كلمات غناي يوم ماهجيت حبك حرف ..ورجعت تاني كتبت فيك انك معاني الريده في حب مختلف ... ماتندهش زي مابكون حبك فراق اناحبي ليك دائما...ولف!!!

شارة فيس بوك

من ياتو باب طليت علي كمّلت كل عمري انتظار ورجيت ووعودك لي زمن ماخانت الذكرى المكان الاّ القدر نفذ عليك حكم الزمان والبيني بينك ديمه اكبر من لقاء ومن غياب ومن بعاد ومن فراق والله اكبر من يكون تحقيق حلم البيني بينك قصة ماحصلت بقت حبها بيكبر مع الحزن الفراق وشتلات تفرهد وتذدهر لمن يطول بيها العطش!!!!!!!

شارة فيس بوك

زول من ورق .. في حبو لي كان مرتشي ..في ريدو لي طول بيعشق بالكضب مابختشي ... في عهدو لي كان كلو خوف بيرجع وبيحسب كل شي ...انا عارفه بيسرق للعواطف وعندو راييين واي شي ...وحتى يوم بدل غرامو وشاف مصيرو وحاول يخفي اي شي ...فات عليهو اني بعرف كل شي..... وانو ماعاد بعني حاجه ولاهو بسوى عندي شي ...زول من ورق!!!

شارة فيس بوك

رجوع في مسماك ياحزن طالت ايامو ويألم حبي الكبير... مالفراق البينا باطل والفرح كان قول وشايه والسرور كان مستحيل ...يلا ارجع لي ديارك جوه قلبي وضم ضلوع الفرقة تاني و الدموع خليها تنزل زي قبيل...مافراقك ياحزن عيشني مخدوع بالفرح وخلاني موهوم بالعديل ... يلا ارجع لي تاني شوقي ليك طرد الاماني وقلبي فاتح للمقيل ....مرجوع في مسماك ياحزن!!!!

شارة فيس بوك

في الحته ديك.. في الفجه بين سحر المعاني التنضحك وبين العيون التشتهيك... في الحته ديك.. قاعد غلاك مستني كل الروعه فيك...متمنى مايبارح مسام الروح ولايفارق خطاوي البهجه في سكة مشيك... في الحته ديك ..حايم بسساق الشوق يجابد في المشاعر السارحه في بهجة عينيك... في الحته ديك.. دفر الفرح كل الهموم وخاصم بنات حزني البكن واتسجمن واترمدن لمن شلع ضوء من مجيك ...في الحته ديك!!!!
بنيها ليك قبب العشق وبكون خليفه على هواك... درويشه في ساحتك عشم غرقانه في حلقة مناك...لابساك طواقي الريد خدر...جلباب سماح من نور بهاك...مرقوعه بي فرحك هدوم لافحاك توب من نوع وفاك...ذاكراك يوت في صحوتي وحاسباك عدد في غفلتي وشايلاك مدد لي يوم لقاك ..قاصداك ضريح الامنية ومنتظره كل بركات رجاك ...ماحبي ليك طوّل نذر داخراهو لي يومي المعاك!!!
كيفن تمرق.. وانك فيني الروح التسكن جوه.... وانك مني النفس البطلع بره عشان يتجدد ويدخل جوه.... وانك بين الضلعه الثالثه وبين اخواتها ساكن جوه ...وانك انت العمق العاشر في الاعماق محلك جوه... وانك كل الهواء البيملا دواخلي وفي الرئتين مكانك جوه... كل القصه انك جوه الجوه قاعد جوه...............وكيفن تمرق؟؟؟
لتقم ثورة العشق ضد الانهزام... فحكومة العواطف المترهلة ....ماعادت قادرة على حسم فوضى المشاعر التي تتلاعب بأسعار الحب!!!!!!!
وقف هدير شوقك قوام قبال يشيل روحي وقواي..جدد عبق فرحك دوام خليك موهط في جواي...فسر مشاعرك بالحضور ووضح ملامحك بي مجيك عندك سعادتي وروح هناي... وقلل كمان فرص الغياب شان مايزيد حزني واساي..بفضل اشيلك نور يهل وقمرة تتوسد سحابك في سماي
قعد على عتب الأسف منجم وصر وشيه من الهم ودنقر حزنو مليان خوف وكت عقر بيت الوداد والحن ولقى الفرح القبيل مافيش!!!!!

حب رصيد

اقلب معاي صفحة هواك واكتب جديد ...ماانت سيد كل البقول انا بي هواك مفتون شديد ...وماأنت نور قلبي الشلع ضوى الدواخل من بعيد ...ومابيك لغيت كل الحساب الفي بنوك الريد وختيت هواك يبقى الرصيد !!!!

بشابي ليك

ورجعت بي وش الانين الصوتو ساكن في الضلوع ومسكت عيدان الصبر ماليلي من غيرك جمر وماحيلي انهد وحفيت وضحكت من حالي العلي لامن بكيت وبلعت ريقي الكان نشف ووقفت تاني اشابي ليك
جاني شايل الريده بعدماكبرت الاحزان وعقرت بطن العواطف خوف وعرس فيني حبي الكان وحسيت المشاعر ضر

زولا...أنا

زولا بدافر في السكون... ويجبديقالع في الحنين ...ساكن مع الروح في الفؤاد ...يفتح مداخل للفرح ...ويمسح دموع خد الحزن ...يشهق معاي زي النفس ...نتنهد الاحلام سوا ويقنت معاي ساعة الزعل ...زولا بيشبه كل شي فيني وجواي .....زولا..أنا.

المتابعون

من أنا

صورتي
صباح محمد الحسن
اعلامية صحفية شاعرة
عرض الملف الشخصي الكامل الخاص بي

أرشيف المدونة الإلكترونية

  • ◄  2014 (2)
    • ◄  فبراير (2)
  • ◄  2013 (8)
    • ◄  أبريل (6)
    • ◄  يناير (2)
  • ▼  2012 (37)
    • ◄  ديسمبر (1)
    • ◄  نوفمبر (3)
    • ◄  أكتوبر (2)
    • ▼  سبتمبر (4)
      • الرجل المتسع .......رجل بحجم الوفاء....عندما يصب...
      • صباح محمد الحسن
      • صباح محمد الحسن
      • حبك ماهو الاّّ......(فقاقيع )........جذبتني لأنه...
    • ◄  أغسطس (1)
    • ◄  يونيو (1)
    • ◄  أبريل (3)
    • ◄  فبراير (2)
    • ◄  يناير (20)
المظهر: Awesome Inc‎.‎. صور المظاهر بواسطة molotovcoketail. يتم التشغيل بواسطة Blogger.